BR LA UNION – Inaklon ti Kamara nga agan-annad da iti panagala ti private lawyers a maka-binnulig da iti panangisayangkat ti panagusig kenni Vice President Sara Duterte, para iti sangsangwen na nga impeachment case.
Segun kenni Manila 3rd District Rep. Joel Chua bayat ti interview ti Bombo Radyo, nupay adu ti nangidanon ti interes a makipaset iti komite kas private prosecutors, ngem kasapolan a dumalan iti screening iti mismo a team a sumango iti Impeachment Court.
Iti agdama, bin-ig a plano pay laeng ti iggem ti team agsipudta saan pay met a nag-convene ti Senado kas Impeachment Court.
Immunan nga imbaga ni Senate President francis “Chiz” Escudero a pil-pilyen da dagiti nalaing a private lawyers maipud kadagiti dadackel a law firm, agsipudta nakababain kunana nu palpak iti maala da nga abogado, nangruna ket pondo ti ili iti pagtaudan ti pagbayad kadagitoy.
