Impaganetget ni Senator Ronald “Bato” dela Rosa a ditoy sunan Pilipinas a nabiag ken matay, ken saan isuna a dumawat ti asylum iti sabali a pagilian tapno maliklikan ti posible a panagarestar kenkuana ti International Criminal Court (ICC).
Segun kenni Dela Rosa, kadagiti umili a Pilipino isuna a kumiddaw ti tulong nu saan nga depensaan isuna iti gobyerno kontra ICC mainaig iti kaso a drug war iti napalabas a Duterte administration.
Kinuna ti Senador a nu maipanggep iti politika ket agbalin nga ingrato iti gobierno kadagiti tao a nabayagen a nagserbisyo ti kapulisan ken namin-anon a daras nga insugal iti biag da para iti pagilian ket awan iti sabali a pagkamangan na di ket dagiti umili a Pililpino.
Apaman maikkan isuna ti gundaway a makasarita ni Presidente Bongbong Marcos ket kiddawen na a protektaran ti Pilipinas ken saan nga isurrender ti hurisdiksyon ti pagilian.
Innayon pay ni Dela Rosa nga saan isuna a madanagan nu ibilang isuna nga suspek ken nakasagana daitoy a sumango kadagiti imbestigador ti ICC uray pay saan na a bigbigen ti hurisdiksyon ti korte na daitoy.
