Binabalaw ni Senador Imee Marcos ti desision ti gobierno ti Pilipinas a nangipalubos iti kiddaw ti Estados Unidos iti iseserrek ken temporario a panagnaed ti limitado a bilang dagiti refugee manipud Afghanistan.
Inulit ti senador ti panagayabna para iti Department of Foreign Affairs ken ti Executive Department nga agbalin a fully transparent iti real nature ti kiddaw ti Estados Unidos para iti Pilipinas a pagnaedan dagiti Afghan nationals.
Intudo ti chairperson ti foreign relations committee ti Senate a ti pangiproseso kadagiti Afghan refugees iti Special Immigrant Visas (SIVs)-da para iti pannakaisublida iti Estados Unidos ket adayo unay iti Afghanistan ditoy Pilipinas
Maysa pay, pinagduaduaan ni Marcos ti kinakurang ti transparency kadagiti detalye ti katulagan iti US.
Immunan a kinuna ni Foreign Affairs spokesperson Teresita Daza a ti katulagan ket saklawen ti limitado a bilang dagiti aplikante nga Aghan iti limitado a panawen ken autorisadoda nga agtalinaed iti Pilipinas iti saan a nasursurok ngem 59 nga aldaw.
Amin nga aplikante ket ma-confine iti billet facility iti kapaut ti pannakaproseso ti aplikasionda iti Special Immigrant Visas babaen ti US Embassy sadiay Manila.
Segun dayta ken Daza, ngem saanna nga impalgak ti lokasion dagiti temporario a pagdagusan dagiti Afghans.
Kabayatanna, siguraduen ti gobierno ti US, agraman ti International Organization for Migration kas facility manager a dagiti aplikante nangruna dagiti ubbing ket maaddaan iti umdas a social, educational, religious ken emotional support bayat ti panagyanda iti billet facility.
Kinuna ni Daza nga amin nga aplikante ket na-medical screenen nga addan idiay Afghanistan ken kasapulan a maminsan laeng a rummuar iti billet facility-da para iti consular interview iti US Embassy sadiay Manila.
Ti katulagan ket executive agreement, kayatna a sawen, kasapulan laeng ti aprobar ni Presidente Marcos sakbay nga agbalin nga epektibo.
