Nagballaag ni Senator Joel Villanueva kadagiti mangabak a senador ita nga eleksyon a pagsaganaan ti panagserrek iti Senado.
Segun kenni Villanueva, rumbeng a lagipen dagitoy a saan nga ang-angaw ti serreken da a trabaho nangruna iti agur-uray nga impeachment trial ni Vice President Sara Duterte.
Gapo iti daitoy ket saan laeng a panagaramid ti linteg ti ipamaysa ti 20th Congress nu di ket karaman pay ti panagbalin kas senator-judges ti senate impeachment court.
Kasapulan da nga agdoble-kayod agsipud ta saan laeng a maymaysa ti agbalin a trabaho ti sumaruno a Kongreso. Malaksid iti panagbalin a lehislador, agbalin da pay a miembro ti jury ken hurado pay ti impeachment trial.
Malaksid manen kadagitoy a trabaho, addata pay nga agur-uray ti oversight functions ken panagrepaso iti national budget para inton sumaruno a tawen 2026.
