Pinaregta ni Deputy Majority Leader ken Iloilo Representative Janette Garin ni Senator Ronald “Bato” dela Rosa a kadwaen sadiay The Hague ken tulongan ti commander-in-chief na idi a ni sigud a Presidente Rodrigo Roa Duterte.
Reaksyon daitoy ni Garin iti plano ni Dela Rosa a kiddawen kenni Senate President Francis Chiz Escudero a protektaran isuna ti Senado iti kanito a mangiruar met ti warrant of arrest kontra kenkuana ti International Criminal Court.
Indasig ni Garin ti inaramid da idi kas sigud a miembro ti gabinete a kinadwa ken tinulongan ni sigud a Presidente Noynoy Aquino nga iruar ti kinapudno kontra kadagiti peke a kaso ken akusasyon nga imbes nga isalakan iti bagbagi na.
Mamati ti mamanday-linteg a dakkel ti maitulong ni Senator Bato iti panagdepensa ti sigud a Presidente Duterte agsipud ta adda daitoy iti gobierno na ken hepe pay iti Philippine National Police (PNP) a nangidaulo met ti panangipatungpal ti war on drugs.
