Sinentensyaan ti Seoul High Court iti napatakyas a Presidente ti South Korea a ni Yoon Suk-yeol ti pito a tawen a pannakaibalud gapo iti resisting arrest ken panaglabsing iti proseso ti gabinete sakbay iti deklarasyon na iti martial law idi Disyembre 2024.
Nainayon laeng daitoy iti immun-una nan a tungpal-biag a pannakaibalud para met ti kaso a rebelyon – banag a nangigubuay ti nakaro a krisis iti demokrasya idiay South Korea.
Segun iti korte, nilaktawan ni Yoon iti legal a Cabinet meeting, pineke dagiti dokumento, ken inusar pay dagiti security forces kontra kadagiti otoridad.
Ti ababa a martial law idi Disyembre 3, 2024 ket nangpataud ti riribuk-politikal ken ekonomiko. Simmardeng laeng daitoy idi nangabak ni Lee Jae-myung iti snap election idi bulan ti Hunyo.
Na-impeach ni Yoon idi Disyembre 2024 ken naan-anay a naikkat iti puesto idi Abril 2025. Uray ita ket agtultuloy latta ti panagdengngeg kadagiti dadduma pay a kaso na.
