Boluntaryo a simmuko ni sigud a Senador Ramon “Bong” Revilla Junior idi rabii, Enero 19, iti Philippine National Police Criminal Investigation and Detection Group idiay Camp Crame.
Daytoy ket kalpasan a mairuar iti kapada nga aldaw iti warrant of arrest na gapu iti kaso a malversation ken falsification of public documents mainaig kadagiti maanomalya a flood control projects idiay Pandi, Bulacan nga aggatad ti ₱92.8-million.
Kadua ti sigud a senador a nagturong iti PNP-CIDG iti asawana a ni Cavite Representative Lani Mercado -Revilla.
Sakbay a simmuko ket naglive pay ti Revilla iti social media ken imbagana nga arigna ket awan ti due process gapu iti kinapartas ti pannakairuar ti warrant of arrest.###
