LA UNION – Inarestar dagiti otoridad iti maysa a drug surrenderee kalpasan a naaktuan daytoy nga aglaklako ti iligal a droga idiay Barangay Rabon, Rosario, La Union.
Nabigbig ti suspek iti nagan a Romeo Agsawal-Bandarlipe, 40-anyos, awanan asawa, residente ti Barangay Subusub ti nasao met laeng nga ili.
Natiliw daytoy iti insayangkat a buy bust operation ti Rosario Police.
Nakakumpiskar dagiti otoridad manipud iti suspek iti tallo a transparent plastic sachet iti maatap a marijuana ken P100 bill a nagserbi a buy bust money.
Iti suspek ken dagiti nakumpiskar a droga ket adda itan iti custodiya ti Rosario PNP ken maisag-sagana metten iti kaso a maidatag kontra iti suspek.
