BR LA UNION – Karaman nga agpasyar ken agturong idiay law-ang iti pop star a ni Katy Perry.
Maysa ti singer kadagiti all-women flight ti New Shepherd rocket a Blue Origin.
Makadwana ditoy da: Lauren Sanchez a fiancee ni Jeff Bezos ken akinkukua ti Blue Origin Rocket; CBS presenter Gayle King; sigud a NASA rocket scientist Aisha Bowe; civil rights activist Amanda Nguyen; ken film producer Kerianne Flynn.
Kinuna ni Katty a daytoy iti kaunaan nga all-women space flight a mapasamak sipud nangisayangkat ti solo mission idi 1963 ni Valentina Tereshkova ti Soviet Union.
Nupay kasta, awan pay ti petsa nu kaatnu a tumayab ti Blue Origin ngem posible kuna da nga iti sumarsaruno a bulan.
Naamwan nga adda nakalinya a Lifetime Tour ni Perry, manipud Abril 23 agingga Nobyembre 11 isunga namnamaen a mapasamak ti panagpasyar da idiay law-ang sakbay ti nasao a konsiyerto.
