Naarestar ti maysa a singer wenno vocalist kalpasan a nagilako ti illegal a droga idi kalman Agusto 9,2023 babaen ti naisayangkat a drug buy-bust operation idiay Barangay Lingsat, San Fernando, La Union.
Nabigbig ti naarestar a ni Pamela Salazar, 38-anyos, awanan asawa, ken residente ti Barangay Lingsat, San Fernando, Lan Union ken maibilbilang a kas maysa nga Street Level Individual.
Narekobre kenkuana dagiti kameng ti pulisya iti maysa a pidaso nga heatsealed transparent plastic a naglaon ti shabu nga agdagsen ti 0.2 gramo nga aggatad ti P1,360,ken dua a pidaso nga heatsealed transparent plastic a naglaon met laeng ti shabu nga agdagsen ti 5.3 a gramo nga aggatad ti P35,360.
Karaman pay a narekobre kenkuana iti P1000 peso bill a kas nagserbi a buy-bust money, maysa a microphone ken maysa a bag nga agmaris ti nangisit.
Dagus a naituong ti naarestar idiay City Health and Wellness Center para iti medical examination daytoy, ken agdama itan nga adda iti kustodiya ti City of San Fernando Police Station.
Maipalagip,iti agpada nga aldaw, dua ti naarestar ti agpada met laeng a lugar.
Agdama itan a sumangsango ti naarestar a singer gaputi panaglabsing ti Republic Act 9165
