Nadiskubre dagiti archaeologist iti maisa a siyudad nga agtawen ti 3,500 idiay Peru a mapapati a sentro ti culture exchange iti pacific coast, kabanbantayan ti Andes, ken kabakiran ti Amazon.
Iti kauunaan a siyudad ket naawagan kas Peñico a masarakan iti probinsya ti Barranca iti makinamianan a paset ti Peru ken naipasdek iti nagbaetan ti 1,800 ken 1,500 BC.
Naipatakder daitoy iti turod nga addaan kangato a 600 meters ken naitampok dagiti circles structures, pasdek a naaramid ti bato ken clay, ken dagiti ceremonial temples.
Segun kenni Ruth Shady, maisa nga archeaologist, napateg iti Peñico gapo ta timpwar daitoy kalpasan iti panagbagsak ti Caral civilization, iti kataengan a sibilisasion idiay Amerika a nagraira ti uneg ti 5,000 a tawenen iti napalabas.
Innayon pay ti siyentipiko, iti siyudad ket masarakan iti estratehiko a lokasion no sadino a maisaysayangkat iti panagsisinnukat ti produkto ken kultura.
Imbutaktak pay ni achaeologist Marco Machacuay ti Ministry of Culture, iti Peñico ket mabalin a naitultuloy pay iti kultura a Caral a kadawyan a makitkita laeng idiay Egypt, India, Sumeria, ken China.
Iti uneg ti walo a tawen a panagadal ket natakwatan dagiti eksperto iti 18 nga estruktura pakairamanan dagiti pagtaengan ken ceremonial temples.
Paset pay kadagiti nadiskubre ket dagiti ladawan ti estruktura, clay figures, ceremonial materials, ken dagiti kwintas a naaramid ti bukel ken kabibe.
Maisa met kadagiti tampok ti nasao a lugar ket dagiti ukit ti pututu, maisa a trumpeta manipud iti kabibe a maar-aramat kadagiti ritwal.
Kamauddianna, naamwan nga iti Peru ket pagtaengan dagiti immunan a sibilisasion, pakairamanan iti Inca ken iti misteryoso a Nazca Lines, a mangipakpakita ti nabaknang a pakasaritaan ti pagilian iti arkiyolohiya.
