BR LA UNION – Pormal a linuktan ti Slovenia ti embahadana idiay Manila idi Marso 11, ti kaunaan nga embahada ti Slovenia iti Southeast Asia.
Segun kenni Slovenian Foreign Minister Tanja Fajon, daytoy ti mangpapigsa iti relasyon ti Slovenia ken Pilipinas, ken panaglukat iti merkado para kadagiti kompanya ti Slovenia.
Kagiddan daytoy, nagpirma da Fajon ken Department of Migrant Workers (DMW) Secretary Hans Cacdac iti katulagan para iti natalged ken patas a gundaway ti trabaho kadagiti Filipino idiay Slovenia.
Dinayaw ni Fajon ti kinagaget ken kina-propesyuonal dagiti Pilipino, a segun kenkuna ket mangipaay ti napapateg a kontribusyon iti kultura ti Slovenia.
Kabayatanna, nakitaripnong pay ni Fajon kenni DFA Secretary Enrique Manalo tapno pagsaritaan ti dadduma pay a benneg ti kooperasyon ti dua a pagilian.
