Napalubosanen idi kalman, aldaw ti Biyernes, Marso 7 ti na-impeach a Presidente ti South Korea a ni Yoon Suk-yeol kalpasan ti ruling ti korte.
Immuna iti dayta ket kiniddaw ti abogado ni Yoon iti korte a kanselaren ti panagarestar kenkuana idi napalabas a bulan nu sadino inrason ti kampo na nga ilegal ti pannakaibalud ti Presidente gapo kunana iti napaot unay iti panaguray ti prosecution tapno makasaon isuna.
Maibasar ti dokumento manipud ti Seoul Central District Court, naawat da ti request ni Yoon a mapalubosan agsipud ta nalpasen ti detention period sakbay pay ti indictment ti prosekusyon idi Enero 2025.
Kanayunanna ket tapno masiguro ti nalawag a proseso ken madalusan ti aniaman a panagudauda sekanan ti legalidad ti imbestigasyon.
Manipud iti desisyon ket mapalubosan ni Yoon a sangwen ti criminal trial nga uray saan isuna a nakadetene.
Manamnama met ti madagdagos a pannakairuar ti desisyon ti korte nu patibkeren na ti impeachment wenno ma-impeach iti puwesto ti Presidente.
Nasurok a maysa a bulan nga nakadetene ni Yoon kalpasan ti pannakaarestar na ken ma-indict mainaig ti palpak ken apagbiit a deklarasyon na ti martial law idi Disyembre 2024.
