“Very comprehensive and informative.”
Dayta met iti nagbalin a reaksiyon ni Sanggunian Bayan Member Athena Lopez-Nang ti ili a San Juan, La Union iti pakabuklan nga State of the Nation Address ni President Ferdinand Marcos Jr. idi kalman idiay Batasan Pambansa.
Segun kenni konsehal Nang, ma-apreciar na iti imbinsa-binsa ti Presidente, manipud kadagiti parikot ken karit a sangsangwen ti pagilian, balligi ti administrasyon, ken dagiti kangrunaan a tarigagay na iti sumarsaruno a tawen a panagtakem na.
Inikkan ni konsehal Nang iti 7.5 a grado ni Marcos para iti umuna a tawen a panagtakem na kas presidente ti pagilian.
