Binaliwan dagiti otoridad ti estratehiya iti panagbirok ti limned nga M/V Trisha Kerstin 3 kalpasan a mapaay dagiti immun-una a wagas a panagusar kadagiti underwater drones ken sumaruno a mausar itan ket iti sound navigation and ranging wenno sonar technology.
Segun kenni Hadji Muhtamad Mayor Arsina Kasing-Nanoh, saan latta a masarakan ti Remote Operated Vehicle (ROV) ti barko isu a kiniddawen ti lokal a gobierno iti Philippine Coast Guard seknan iti panangaramat ti sonar.
Manamnama a marugian ti sonar operations ita nga aldaw ti Lunes, Pebrero 2, ken maipamaysa ti panagbirok iti maudi a lokasyon na.
Inlawlawag ti mayor a ti sonar technology ket mangus-usar kadagiti sound waves tapno madakamat iti puesto ti maysa a banag iti uneg ti baybay nga uray nababa iti visibility.
Maipalagip a limned ti M/V Trisha iti kabaybayan asideg ti Baluk-Baluk Island, Basilan idi Enero 6, a nakatayan dagiti 40 a tattao, bayat nga adu paylaeng dagiti mapukpukaw.
Impasigurado ti local a gobierno ti agtultuloy a suporta kadagiti natayan a pamilya kabayatan iti awan sarday a search and rescue operations.
