Maaddaan ti state visit sadiay Singapore ken ditoy Pilipinas ni South Korean President Lee Jae Myung iti umuna a paset ti bulan ti Marso tapno dakamaten ti alyansa maipanggep ti artificial intelligence ken nuclear energy.
Idiay opisina ni Lee ket maadaan pay nga umuna isuna ti summit kenni Singaporean Prime Minister Lawrence Wong manipud Marso 1 agingga 3 sakbay nga agderetso ditoy pagilian.
Ditoy Pilipinas met ket makitaripnong isuna kenni Presidente Ferdinand Marcos Jr. manipud marso 3 agingga 4, ken manamnama a madakamat dagiti dua a lider ti pananagpapigsa ti kooperasyon iti defense industry, infrastructure projects, nuclear energy, ken kadagiti critical minerals.
