Inpakaammo ti gobierno ti España a mangipatulodda ti humanitarian aid idiay Cuba, nga agdama a makapaspasar ti nakaro a krisis iti ekonomia ken kinakurang dagiti napapateg a suplay gapu iti epekto ti makunkuna a de facto a fuel blockade ti Estados Unidos.
Babaen iti tulong ti United Nations, mangipaay iti España ti taraon ken kangrunaan a produkto ti salun-at tapno matulongan dagiti umili idiay Cuba nga agsagsagaba iti kinakurang dagiti suplay ken serbisio.
Naaramid iti anunsio kalpasan a nangipatulod ti Mexico ti nasurok a 800 a tonelada nga humanitarian aid idiay Cuba a nabiit pay a simmangpet.
Kimmaro iti krisis ti pagilian gapu dagiti restriksion ti U.S. administration a nakaapektar iti suplay ti lana ken produkto a petrolyo, karaman iti nangatngato ti taripa para kadagiti pagilian a mangpadas a mangipaay ti gasolina idiay Cuba.
Nangipatungpalen ti Cuban government ti emerhensia kas iti panaginget ti panagilako dagiti gasolina ken panagkissay ti pampubliko a transportasion, bayat nga agtultuloy dagiti power outahe ken kinakurang ti taraun ken agas iti pagilian.
Idiay Madrid, imbinglay met ti Cuban Foreign Minister iti tarigagay a papigsaen ti political, economic‑trade, ken cooperation dialogue ti Spain ken Cuba.###
