Iti laksid ti 3-0 a pannakaabakda iti Spain a nangpasardeng iti kampania ti Austria iti FIFA World Cup 2026, kenuna ni team captain a ni David Alaba a rumbeng latta nga ipagpannakkel ti team ti performance-da.
Segun ken ni Alaba, nadismayada unay kalpasan ti pannakaabakda, ngem dakkel pay laeng a balligi ti pannakipaset manen ti Austria iti World Cup kalpasan ti 28 a tawen.
Immanamong ditoy ti beterano a ni Marko Arnautovic, a mangibagbaga a nakaaramid pay laeng ti team-na iti pakasaritaan babaen ti pannakadanon iti knockout stage.
Kabayatanna, kinuna ni goalkeeper Alexander Schlager nga agtultuloy da a namati bayat a maysa laeng a goal ti panangidaulo ti Spain, ngem inaminna a nagbalin a narigat a masabet kalpasan a dimmakkel manipud 2-0 agingga iti 3-0.
Pinasingkedan met ni Arnautovic ti panagretirona iti Austrian national team kalpasan ti World Cup. Pinalpasna ti internasional a karera daytoy babaen ti 49 a goals iti 137 nga ay-ayam, karaman ti dua a goal iti World Cup.
Iti laksid ti pannakaabakda, nakapokus itan ti Austria iti sumaruno a kampaniada iti UEFA Nations League inton Setiembre.###
