Nagpanawagan ni World Health Organization (WHO) Director-General Tedros Adhanom Ghebreyesus kadagiti residente ti Tenerife, Spain nga agtalinaed a kalmado maipapan iti isasangpet ti MV Hondius nga addaan iti kaso ti hantavirus.
Segun kenni Tedros, saan a rumbeng nga ikumpara ti hantavirus iti COVID-19 pandemic agsipud ta nababa pay laeng ti peggad daytoy iti publiko.
Inadmitir na a seryoso iti Andes strain ti hantavirus kalpasan a natay dagiti tallo a pasahero, ngem awanen iti mangipakpakita ti sintomas kadagiti sakay ti barko.
Inlawlawag ni Tedros a nainget iti plano ti Spain nga iyakar dagiti pasahero iti industrial port ti Granadilla ken direkta nga iyawid ti bukodda a pagilian a saan a makalangen iti publiko.
Pinagyamananna met iti Spain ken dagiti residente ti Tenerife iti panangawat iti barko kas paset ti international cooperation.
Segun iti WHO Director-General, personal isuna a nagturong idiay Tenerife tapno bantayan iti operasion ken ikkan-pammadayaw iti impakita a panangisakit ken pannakipamaysa dagiti residente ken otoridad.###
