LA UNION – Siniguro ni House Speaker Martin Romualdez nga aramiden a “top priority” ti Kamara iti gakat a 6.352 trillion pesos a national budget para iti sumaruno a tawen iti panagsubli ti sesyon.
Daytoy ket kasaruno iti panang-aprubar ni President Bongbong Marcos iti National Expenditure Program a mas nangat-ngato ti 10.1 percent kumpara iti agdama a national budget.
Kinuna ni Romualdez a malaksid iti immuna a commitment nga ipasa iti nabatbati a priority measures ti Legislative-Executive Development Advisory Council wenno LEDAC, agdoble-kayod iti Nababa a Pagpandayan Linteg ti Kongreso tapno ipasa iti 2025 General Appropriations Bill sakbay iti break inton agtapos ti Setyembre.
Kalpasanna, dagus nga i-transmit idiay Senado iti General Appropriations Bill para iti konsiderasyon.
Kas naikari, kinumpirma ni Romualdez a siguradwen na iti naan-anay a pondo para iti eduksyon, agrikultura, modernisasyon ken pagsayaatan ti Armed Forces, imprastraktura ken iti legacy projects ni President Marcos.
Inlawlawag na a kasapolan a suportaran iti edukasyon, salun-at, agrikultura, imprastraktura ken depensa ken panagbalin nga accessible ken kabaelan a gatangen a food products tapno napartak iti panagdur-as ti pagilian.
Impaganetget pay ti House Speaker a maiparbeng nga itultuloy ti panagaramid iti kalsada, pantalan, school buildings ken climate change-proof structures tapno maidur-as iti ekonomiya ti pagilian.
