Nangbukel iti Department of Public Works and Highways (DPWH) ti special team of inspectors tapno mangisayangkat ti assessment kadagiti flood control projects ditoy pagilian nga iggem dagiti 15 a contractors a dinakamat ni Presidente Ferdinand Marcos Jr. a nakaala iti 1/5 ti P545 billion a balor dagiti flood control contract nga immunan nga naipaimaiti nasao nga opisina.
Segun kenni DPWH Secretary Manuel Bonoan, iti listaan dagiti proyekto a maipasidong iti assessment ket napili manipud iti sabali pay a proyekto a narugyan manipud idi nangrugi iti administrayon ni Pres. Marcos.
Amin a proyekto nga inlista ti DPWH manipud Hulyo 2022 agingga Mayo 2025 ket addaan ti pakabuklan a 9,855 completed projects, pakairamanan iti listaan ken analysis sakbay a naipatulod iti Office of the President.
Nangbukel iti ahensya ti special teams a maideploy kadagiti rehiyon ken distrito manipud iti Central Office, uray addan iti immuna nga assessment kadagiti proyekto.
Iti masterlist a naisubmitir iti Presidente ket kadawyan a basic information maipanggep iti Flood control project a nakailanadan ti alokasyon, time frame, implementing contractor, ken iti balor ti kontrata.
Umuna nga aramiden dagiti Inspecting teams ket iti field verification. Masapol a maverify amin a karga wenno scope dagiti nasao a proyekto tapno maamwan no umno wenno maakseptar iti nalpas a proyekto kas maibasar iti nakailand iti kontrata.
Malaksid iti field verification, maimbestigaran pay dagiti dadduma a contractors manipud kadagiti nadumaduma a distrito ditoy pagilian, pakairamanan iti akem dagiti DPWH officers.
