BR LA UNION – Nagballigi ti San Juan Police Station kabinnulig iti naduma-duma a unit ti Philippine National Police iti naiwayat a search warrant operation idiay Purok Dos Gawad Kalinga, Barangay Talogtog, San Juan, La Union idi kalman ti agsapa Marso 12, 2026.
Ti operasyon ket maiyanurot iti naipaulog nga warrant of arrest ni Honorable Nyerson Dexter Tito Tualla, Executive Judge ti Branch 28 First Judicial Region, City of San Fernando, La Union gapu iti panaglabsing ti Republic Act 9165 wenno Comprehensive Dangerous Drugs Act of 2002.
Naala iti operasyon ti dua piraso ti zip-lock transparent plastic sachet naglaon ti napaga-ngo a bulong ti mapapati nga marijuana, agdagsen ti mapatta-patta a tallo gramo tunggal sachet ken aggatad ti nasurok kumurang 360 pesos tunggal supot.
Maysa a heat sealed transparent plastic sachet containing white crystalline substance agdagsen ti 0.2 gram a mapapati nga shabu ken aggatad ti nasurok kumurang 1,360 pesos.
Naala pay manipud ikot na dagiti non drug evidences kas iti lighter, aluminum foil ken coin purse agmaris ti brown ken black.
Kas resulta ti operasyon naarestar ni alyas Ricky, 40 years old, addaan asawa, awanan trabaho ken residente ti nasao nga barangay.
Iti pakabuklan nga operasyon ken nagusar iti body worn camera dagiti otoridad ken iti imatang dagiti witnesses pakaibilangan ti barangay officials, kameng iti media ken ti Department of Justice.
Ibilbilang met ti San Juan Police Station ti suspek kas Street Level Individual a naibaluden iti kapada met laeng nga kaso idi napalpalabas.
