Maysa a baro a panagadal a naipablaak iti Gastroenterology iti mangibagbaga nga iti stress a mapadpadasan bayat ti panagubing ket mabalin a mangpangato ti peggad ti pannaka-develop ti digestive disorders iti masangwanan. Naammuan dagiti managsukisok na daytoy nga epekto ket adda pakainaiganna kadagiti panagbalbaliw iti bituka ken ti sympathetic nervous system, a mangipakpakita ti nauneg a koneksion ti utek ken salun-at ti tiyan.
Impakita ti panagadal nga indauluan ni Kara Margolis manipud New York University, a dagiti kapadasan kas iti emotional neglect wenno adversity ket mabalin a makaapektar iti wagas ti komunikasion ti utek ken bituka. Mabalin daytoy nga agtennag kadagiti kondision kas iti irritable bowel syndrome, panagsakit ti tiyan, ken irregular bowel movements.
Nangisayangkat dagiti siyektipiko ti eksperimento kadagiti utot tapno masukimat met ti dakkel a datos manipud kadagiti tattao. Iti panagadal iti ayup, dagiti utot a nakapadas ti nasapa nga stress ket nangipakita ti anxiety-like behavior, panagsakit ti tyan, ken digestive irregularities. Natakuatan met dagiti researchers nga iti nagduduma a biological pathways ket mangapektar iti nadumaduma a sintomas, a mangipasimudaag a kasapulan a maiyannatup iti panagagas iti partikular a kondisyon ti pasyente.
Pinaneknekan dagiti resulta ti dua a major human studies a dagiti annak manipud iti ina nga addaan ti saan a naagasan a depresyon ket addaan ti nangato a peggad kadagiti digestive conditions kas iti panagbakuar, constipation, ken irritable bowel syndrome. Kabayatanna, natakuatan ti maysa a panagadal idiay Estados Unidos nga iti negatibo a kapadasan iti kinaubing–kas iti panagabuso ken panangbaybay-a–ket mainaig ti nangatngato nga insidente dagiti problema ti tyan.
Iti pakabuklan, impakita ti panagsukisok nga dagiti kapadasan ti early life ket adda ti napateg nga akemma iti napaut a salun-at iti bituka. Segun kadagiti ekspero, ti naun-uneg a panagawat kadagitoy a mekanismo ket mabalin a manglukat iti maiyannatup ken epektibo a panagagas, ken mangipaganetget iti kinapateg ti panagsungbat iti stress ken salun-at ti panunot iti kinaubing.###
