Pimmusay ti sanga-dosena a tattao pakairamanan dagiti 27 a sabali pay gapo iti panagpabettak ti suicide bomber iti ruar ti Islamabad District Judicial Complex. Dagiti biktima ket pakairamanan dagiti sibilyan, security personnel, ken maysa nga abogado.
Kinuna iti Pakistan Interior Minister a ni Mohsin Naqvi a ti orihinal a target ti suicide bomber ket ti uneg ti bisinidad ngem napaay laeng a sumrek isu a pinabettak na lattan ti bagbagi na asideg ti Gate No. 1 iti court complex sadiay G-11 area, abay ti lugan ti police.
Awan met iti direkta a mapabpabasol iti terorismo ngem ti panagraut ket ikonkonektar dagiti otoridad iti grupo a Tehreek-e-Taliban Pakistan wenno TTP.
Segun pay kenni Naqvi, ipamaysa da ita ti panangdakamat ti pakabigbigan ti suspek ken ibinglay da a dagos ti impormasyon iti kanito a makumpirma dan dagiti datos, nangruna ta napaliiw da iti panagngato ti gastos ti militante a grupo.
Maipapan met iti impluwensya ti ruar, imbatad ti Pakistan Minister a ti Taliban idiay Afghanistan ket triage a lappedan ti cross-border terrorism.
