BR LA UNION – Awan pay iti desisyon ti Iran nu agpatulod ti negotiating delegation idiay Pakistan agingga a maipatpatungpal iti ti maysa a naval blockade idiay Strait of Hormuz, maibasar iti report ti Tasnim News Agency idi Domingo.
Maibasar iti report, maipagarop a saanen a makipaset iti Tehran kadagiti nakatuding a negosasyon iti ceasefire idiay Islamabad nu saan nga ikkaten nga umuna dagiti nasao a barikada.
Iti likudan daytoy, inyanunsyo ni U.S. President Donald Trump a sumangpet idiay Pakistan ita nga aldaw ti Lunes, dagiti mangibagbagi iti Amerika tapno maitultuloy ti isyu idiay Iran.
Nupay kasta, saanna metten a dinakamat nu siasino dagiti opisyal a makipaset, ken awan pay met ti waragawag ken opisyal a waragawag manipud White House iti opisina ni U.S. Vice President JD Vance.
Iti maysa a post iti social media, inakusaran ni Trump iti Iran a naglabsing iti ceasefire agreement kalpasan a maipagarop a nagpaputok ti bala idi Sabado idiay Strait of Hormuz.
Nagpangta pay daytoy a posible a puntiryaen ti Estados Unidos dagiti imprastraktura idiay Iran, kabilang dagiti power plant ken rangtay nu saan nga umannugot iti diaya a katulagan.
