Sumagmamano nga empleado ti agtultuloy a mangnamnama a maipatungpal iti singasing a panagngato ti suweldo dagiti mangmangged manipud kadagiti pribado a sektor.
Maipalagip a ti House Committee on Labor and Employment ket inaprobaran ti bill a nairanta a mangipaay iti P200 across-the-board wage hike.
Gapo iti dayta ket sumagmamano kadagiti empleado nga agtartrabaho ket inyebkasda ti kababalinda.
Maysa kadagiti nakauman ti Bombo Radyo Philippines ket ni Rory Lagana nga agdama nga agtartrabaho kas security guard.
Segun kenkuana, dakkel a tulong daytoy iti inaldaw a panagbiagda bayat a masansan a dakkel ti magastos ti pamiliana.
Impaganetget na a madanagan isuna maipapan iti panagngato ti suweldo gapu ta kinunana a mabalin a mapan metlaeng dayta kadagiti kontribusion.
Maysa pay a trabahador ket ni Jonah Bercasio, ti nangipakaammo iti apelana iti damag ti ekstra a tangdan.
Segun kenkuana, dakkel ti epektona daitoy kenkuana nangruna ket agnanaed isuna sadiay Manila a nangato ti presio dagiti tagilako agraman dagiti gastos iti transportasion.
Kabayatanna, impasigurado met ti Department of Labor and Employment ti pannakaipatungpal ti kanayunan a suweldo apaman mamagbalin a liteg ken daytoy ket pinasingkedan ni Secretary Bienvenido Laguesma, ti agdama a sekretario ti departamento.
