Aprubado itan ti House Committee on Labor and Employment nga idadauloan ni Representative Fidel Nograles ti singasing a gakat a panggep a mangipatungpal ti P200 across the board wage hike.
Ti panagdengngeg ti Komite ketpinatibker pay ti house panel ti substitute bill para ti House Bill 514, 756, 7871 ken 10319 a puro amin singasing nga mangipangato ti suweldo dagiti mangmangged.
Maibasar iti P200 Daily Across-the-Board Wage Increase Act, amin nga employers ti pribado nga sektor, agricultural man wenno saan, kasatno man kadakkel ti capitalization ken bilang dagiti empleyado da ket bayadan da latta ida ti kanayunan a dua gasot a pisos.
Nakailanad ti singasing a siasinoman nga indibidwal, korporasyon, trust, firm, partnership, association wenno entity nga aglabsing ket madusa ti manipud P50,000 agingga P100,000 wenno pannakaibalud ti dua agingga uppat a tawen.
Mabilin pay dagiti employers a bayadan ti doble a gatad ti saanna a binayadan a benepisyo ti tao na.
Idauloan ti Department of Labor and Employment ti panangbukel ti implementing rules and regulations para iti daitoy a linteg.
Kabayatanna, nakitaripnong metten ni House Speaker Martin Romualdez kadagiti labor groups ken nagkari a papartaken ti panagdengngeg ti Kamara mainaig ti panagngato ti suweldo.
