LA UNION – Arestado iti maysa a surrendered drug personality kalpasan a nakumpiskaran ti iligal a droga iti insayangkat a buy bust operation iti nagtipon a puwersa ti Agoo PNP ken PDEA, idiay Barangay San Marcos, Agoo, La Union.
Iti suspek ket managan Johnny Purugganan alyas JAM,, 31, addaan ti asawa, residente ti Barangay San Antonio ti nasao met laeng nga ili.
Kinumpiskar dagiti otoridad manipud iti posisyon ti suspek iti dua a plastic sachet iti mapapati a shabu ken maysa a pidaso ti P500 bill a nagserbi a buy bust money.
Iti suspek a sumangsango iti kaso a panaglabsing iti R.A. 9165 ket adda ita iti kustodiya ti pulisiya para iti umno a disposisyon.
