Nangipila ti guilty plea iti suspek a pimmatay kenni sigud a Japanese prime minister Shinzo Abe.
Ti umuna nga aldaw ti panagdingeg ti kaso iti korte idiay Tokyo ket inaklon ti 45-anyos a ni Tetsuya Yamagami iti krimen.
Kenunana nga amin nga akusasion kenkuana ket pudno pakairamanan iti panagusar na ti homemade gun ken ti panangpaltog kenni Abe iti maysa a political campaign event idiay Nara City idi 2022.
Ti maibagbaga a rason ti krimen ket iti promosion ti sigud a Prime Minister ken ti ruling Liberal Democratic Party (LDP) iti Unification Church wenno mabigbigbig kas “Moonies”.
Maipagarop a nangited iti ina ti suspek ti $660,000 kas donasyon iti simbaan nga inibos ken inusar ti partido ni Abe iti kampania.
Kabayatanna, posible nga inton bulan ti Enero nga iruar ti korte iti keddeng da kontra iti suspek.###
