BR LA UNION – Nasentensiyaan ti tungpal biag a pannakabalud iti 65-anyos a sigud a presidente ti South Korea a ni Yoon Suk-yeol, ita nga aldaw ti Huwebes, Pebrero 19.
Daytoy ket kalpasan a nakedngan a guilty iti insurrection charges seknan iti apagbiit a martial law declaration na a nagpaut ti innem nga oras idi Disyembre 2024.
Iti naiyetnag a desisyon kenni Yoon idiay Seoul Central District Court, imbaga ni Presiding judge Ji Gwi-yeon a nalawag nga intensiyon ti sigud a presidente iti panangideklara na ti martial law nga i-paralisa iti National assembly.
Segun iti ukom, maipagarop a dinadael ni Yoon iti demokrasiya ti South Korea ken maiparbeng laeng kunana iti nadagsen a pannusa kontra iti sigud a presidente.
Kabayatanna, saan a nangipakita ti anyaman nga emosyopn ni Yoon kalpasan a naibasa ti pangngeddeng ti korte iti kaso na, idinto a nakaru a pannaka-dismaya ken rurod ti narikna dagiti ribu a tagasuporta ni Yoon a nagtitipon iti ruar ti korte.
