LA UNION – Kaso a panaglabsing iti Section 5 ken 11 ti RA 9165 wenno Comprehensive Dangerous Drug Act ken RA 10591 wenno Comprehensive Firearms and Ammunition Regulation Act ti naidatag kontra iti uppat nga suspek iti buy bust operation ti San Fernando City Police ken Philippine Drug Enforcement Agency (PDEA) Region 1 idiay Barangay Pagdalagan syudad ti San Fernando, La Union.
Nabigbig dagiti suspek nga isuda Nilo Ubagan, 55, addan asawa, Reynaldo Nunog, 55, agpada nga esidente ti Baguio City; Catherine Gabiling, 31, residente ti Kalinga; ken Eveline Mon, 38, residente ti Barangay Dallangayan Este ditoy probinsya.
Immuna ditoy, nakumpiska dagiti otoridad manipud kadagiti suspek ti (5) heat sealed plastic sachet nga maipagarop a shabu; dadduma a drug paraphernalia; maysa nga pouch a naglaon ti (35) bala ti 9mm ken kotse a nakarehistro iti maysa nga indibidual idiay probinsya ti Pangasinan.
Agtaltalinaed pay laeng iti kustodiya dagiti otoridad dagiti suspek kabayatan nga maur-uray iti resolusyon ti korte.
