Suspek, nagaramat ti bogus nga identity tapno ibaw-ing ti imbestigasyon ti panangpatay iti ABC President idiay La Union

Al-alukoyen ita ti Special Investigation Task Group Gallardo iti kooperasyon ti umili a tumulong iti pannakabigbig ti suspek iti pannakatay ni Association of Barangay Captains o (ABC) President ken Punong Barangay ti Pagdalagan Sur a ni Noel ‘Wowie’ Gallardo.

Iti pannakiuman ti Bombo Radyo La Union kenni Police Lt. Col. Silverio Ordinado, iti naisayangkat a press conference iti La Union Police Provincial Office (LUPPO) kinuna na a ti nakita nga identification card nga nakapanagan iti suspek ket saan na a kukua.

Agduma kuna na ti nagan iti nakaikabil nga ladawan iti ID.

Maipalagip, pinaltogan ti suspek a ni Jeffrey Escobal ti Aurora, Isabela, ni Gallardo kabayatan a daytoy ket agay-ay-ayam ti slot machine iti uneg ti e-games casino ti maysa nga resort idiay ili ti Bauang, La Union itay nabiit.