LA UNION – Kaso a panaglabsing iti Article 248 iti Revised Penal Code wenno murder iti naidatag kontra iti suspek a nangpapatay kenni Mila San Juan, Administrative Officer ti TESDA a nakabase ditoy syudad ti San Fernando.
Iti kaso ket naidatag iti opisina ni Assistant Provincial Prosecutor Rollie Modesto Laigo, idiay Bauang, La Union.
Daytoy ti pinatalgedan iti Bombo Radyo La Union ni PCI Joel Lagto, agdama a chief-of-police ti ili a Bauang.
Nupay kasta, saan pay a nainaganan iti suspek ngem agtultuloy a nakatutok ti pulisiya iti nasao a kaso.
Maipalagip a pinaltugan-natay iti riding-in-tandem suspects iti biktima bayat a nakatakder iti igid ti kalsada idiay Barangay Paringao, Bauang, idi rabii ti October 13, 2017.
