Pinasingkedan ni US Ambassador to Turkey Tom Barrack a nagtulag ti Syria ken Israel a maaddaan iti ceasefire.
Suportado daitoy dagiti pagilian a Turkey, Jordan ken dadduma pay a maseknan a pagilian nga asideg iti beddeng dagiti dua.
Pinaregta pay ti US envoy dagiti Druze, Bedouins, ken Sunnis nga ibaba dagiti armas da kasta met dagiti dadduma pay a minorya a grupo a mangidatag para ti nagkaykaysa a Syria kasta met nga itandudo ti kinakapia idiay Middle East.
Sakbayna ket imbatad ti Israel a pinalubosan da ti Syrian forces a maaddaan ti limitado nga access idiay Suwayda, southern Syria para ti nagsaruno a dua nga aldaw. Epektibon iti ceasefire kalpasan ti panangisayangkat ti Israel kadagiti airstrikes tapno kunada ket maprotektaran ti Druze, maysa nga Arab religious minority.
Napartuat ti gyera ti gobierno ti Syria ken Druze a nakatayanen dagiti nasurok 300 a tattao kasaruno a bimmagsak ti rehimen ti diktador a ni Bashar al-Assad.
