BR LA UNION – Naminsan manen a pinaneknekan ti Bombo Radyo Philippines ti laing na iti tay-ak ti panagirakurak kalpasan a nagballaygi iti 29th Golden Dove Awards ti Kapisanan ng mga Brodkaster ng Pilipinas (KBP).
Kabilang dagiti nangabak nga istasyon ti Bombo Radyo Philippines ket iti Star FM Bacolod kas Best FM Radio Station – Provincial ; Bombo Radyo Roxas para iti Best Radio Station Promotional Material ken Bombo Radyo Koronadal kas Best Sports Program.
Iti KBP GOLDEN DOVE Awards ket tinawen a pammadayaw ti Kapisanan ng mga Brodkaster ng Pilipinas a mangbigbig kadagiti naidum-duma a programa, personalidad, istasyon, ken production work iti broadcasting.
Kabayatanna, walo pay a finalist entries manipud Bombo Radyo Philippines iti nangibagi ti network iti naduma-duma a kategorya.
Best AM Radio Station – Provincial- Bombo Radyo Iloilo
Best FM Radio Station – Metro Manila-Star FM Manila
Best Newscast – Metro Manila- Bombo Network News
Best Newscast – Provincial- Bombo Radyo Cagayan de Oro at Bombo Radyo Iloilo
Best Special Program- Bombo Radyo Cebu
Best Public Service Announcement- Star FM Baguio
Best Radio Station Promotional Material-Star FM Baguio
Dagiti nasao a pammadayaw ket panangbigbig iti agtultuloy a panangikagumaan ti Bombo Radyo Philippines a mangidanon iti de-kalidad a panagi-padamag, napnuan kaipapanan a programa ken serbisyo publiko kadagiti Pilipino iti intero a pagilian.
Dagiti nasao a pammadayaw ket nangnangruna a napnuan kaipapanan bayat a rambakan ti Bombo Radyo Philippines iti maika-60 a tawen a Media Excellence — innem a dekada a panagirakurtak, panangidanon kadagiti napapateg nga impormasyon ken serbisyo iti intero a pagilian ken uray iti ballasiw taaw.
Iti sidong ti panangidaulo ti Chairman ti Bombo Radyo Philippines, Dr. Rogelio M. Florete ken President and Chief Execuitive Officer Margaret Ruth C. Florete, agtultuloy nga itandudo ti Bombo Radyo Philippines iti umiso, balanse ken responsable a panagipadamag.
Isagut met ti Bombo Radyo Philippines dagiti nasao a pammadayaw iti amin nga agdeng-dengngeg iti radyo ken viewers nga agtultuloy nga agtalek ken sumup-suporta iti network.
Bombo Radyo Philippines, The Number 1 Radio Network in the Country. Your Trusted Source of News and Information. Basta Radyo… Bombo!
