Maysa nga imbensyon nga araramiden a fertilizer ti basura ti nangabak iti maika-8 a Benita & Catalina Yap Foundation Awards Night idiay Club Filipino, Greenhills, San Juan.
Segun kenni Liezel Salera-Manabat manipud Davao Thermo Biotech, nabukel ti teknolohiya gapo ti kinaurang ti puot ti publiko ti umiso a panangibelleng ti basura.
Nupay kasta, aminado met isuna a saan latta nga umdas ti imbensyon tapno masolusyonan ti problema ti basura idiay Davao isu nga agtultuloy ti panangisuro da kadagiti residente ken negosyante seknan ti proper disposal.
Segun met ti siguda a Trade and Industry Secretary Alfredo Pascual, makatulong iti panagrang-ay ti ekonomiya kasta met ti panangpataud ti trabaho ti umad-adu a bilang dagiti Filipino innovators.
Impasigurado pay ni Atty. J Anton Yap ti Benita & Catalina Yap Foundation a suportaran dagiti kabaroan nga ideya a makabenepisyar ti komunidad.
