Tallo a baro a panagadal iti mangirekrekomenda dagiti wagas tapno maksayan iti peggad ti stroke, karaman iti Mediterranean diet, panagpabakuna kontra iti shingles, panagusar ti asundexian.
Maibasar iti maysa a panagadal a naipablaak iti Neurology Open Access, ti Mediterranean diet a nabaknang ti prutas, nateng, whole grains, olive oil, lames ken mani ket mabalin a makatulong a mangpababa iti peggad ti ischemic ken hemorrhagic stroke, kangrunaan kadagiti babbai.
Kabayatanna, naipakita iti maysa a panagadal a naipresenta iti American College of Cardiology nga iti shingles vaccine ket mabalin a makakissay iti peggad ti stroke ken dadduma pay a seryoso a sakit iti puso nupay kasapulan pay a mapaneknekan babaen ti peer-reviewed research.
Inpakita met ti panagadal iti New England Journal of Medicine a ti oral anticoagulant nga asundexian ket mabalin a makatulong a maliklikan iti kabaruan nga stroke kadagiti pasyente a nakapadasen ti ischemic stroke wenno high-risk transient ischemic attack (TIA).###
