LA UNION – Nainet a pinaglibakan iti opisina ni House Speaker Ferdinand Martin Romualdez a na-stroke iti lider ti Kamara.
Iti inruar nga statement ni Atty. Lemuel Erwin Romero, Head Executive Assistant ti Office of the Speaker, kinondinar na dagiti nangiwaras ti biddut ken malisyoso nga impormasyon.
Immunan a nagwaras iti internet a na-stroke ti house speaker ken naka-confine iti ospital ngem awan met iti maipakita a pammaneknek.
Dagiti nasao nga alegasyon ket bin-ig a kina-ulbod ken nalawag a naparbo tapno allilawen ken tikawen iti publiko.
Linawlawagan ni Atty. Romero, nga adda iti nasayaat a kasasaad ni Speaker Romualdez ken agtultuloy ti panangakem ti pagrebbengan na .
Idi kalman, Disyembre 6, 2024, dimmar-ay daytoy iti sumagmamano nga aktibidad, a mangipakpakita ti aktibo a pannakipaset na iti trabaho.
Kabayatanna, iti interview ti Bombo Radyo kenni Bukidnon Rep. Keith Flores, nagpanawagan daytoy iti publiko nga agannad kadagiti mabasbasa iti social media a mabalin a mang-tikaw manipud iti pudno a mapaspasamak.
