Pormalen a nangrugi ita a malem ti Huebes ti technical assessment para ti addang ti panagbiruk dagiti mapukpukaw a mammallot a mapapati nga imbelleng dagiti suspek idiay Taal Lake.
Pasado ala-una iti naglayag dagiti bangka nga agturong iti maawagan kas ground zero, ngem awan pay iti maaramid a mismo a panagbatok wenno diving.
Kinuna ni Department of Justice Assistant Secretary ken Spokesperson Atty. Mico Clavano a panggep ti initial assessment nga ammoen nga umuna iti kondisyon ti danom, nangruna ita a makapadpadas ti napipigsa nga angin ken alon iti Taal.
