Naisayangkat iti tignay-protesta iti border ti Israel ken Gaza a pinasetan dagiti rinibo a protesters a mangipanpanawagan iti panaggibos ti riribuk, kasaruno iti napapigsa a panagraut ti Israel.
Imet dagiti protesters dagiti karatula a nakailanadan ti panagsuportada kadagiti Palestino.
Insara met ti Israel iti Allenby Bridge a kangrunaan a dalan iti nagbaetan ti West Bank ken Jordan kalpasan ti pammaltog kadagiti aid workers.
Sumagmamano a lugar met iti naisirra kas iti crossing iti nagbaetan ti Israel ken Jordan, kasta met iti limitado nga access iti Rabin Crossing bayat a nakasara iti crossing iti Jordan River.
Maipalagip nga idi napalabas a lawas ket nangisayangkat ti nalawa a tignay-protesta dagiti Israeli iti dakkel a paset ti Tel-Aviv ken Jerusalem tapno naan-anay nga isardeng iti panagraut ti Israel idiay Gaza.###
