LA UNION – Nalpasen a naipaayan ti anti-rabies vaccination dagiti taraken nga aso manipud iti 10 a barangay ditoy syudad ti San Fernando, a makunkuna nga addaan ti kangatuan a kaso ti rabies iti intero a syudad.
Maibasar iti impormasyon manipud kenni City Veterinarian Flocy Decena, nalpas dan a tinurong dagiti dadacckel a barangay a kas iti Poro, Catbangen, Sevilla, Lingsat, Barangay 3, ken Langcuas tapno bakunaan dagiti taraken nga aso.
Nairanta ti nasao nga aktibidad tapno saan nga agwaras ti rabies a maibilang a fatal.
Kangrunaan a pagtaudan ti rabies ket kadagiti makunkuna a rabid dog.
Kabayatanna, agtultuloy iti maar-aramid a panagbakuna wenno anti-rabies vaccination kadagiti taraken nga aso iti dadduma pay a barangay ditoy syudad ti San Fernando.
