LA UNION – Kalpasan ti nasurok a maysa nga dekada a panaglimmeng ket natinnag met laeng iti linteg ti Top 2 most wanted person iti National ken Municipal level kalpasan nga matiliw idiay Mindanao.
Nabigbig ti suspek a ni Frederick Balanon, sigud nga residente ti Barangay Sevilla, San Fernando City, La Union.
Iti pannakiuman ti Bombo Radyo kenni PSUPT John Guiagui, Chief of Police ti San Fernando City PNP, kinuna na a sumangsango iti 3 counts of rape ti suspek no sadino napasamak daytoy idi tawen 1999 agingga 2013.
Segun pay kenni PSUPT Guiagui, nakikoordinarda nga immuna iti Criminal Investigation & Detection Group Sultan Kudarat ken Sultan Kudarat PNP kalpasan a makaawat da ti impormasyon nga adda idiay Sultan Kudarat ti suspek.
Maipalagip, a nagbalin pay nga empliyado iti Engineering Department ti City Government ni Balanon idi 1999-2013.
