LA UNION – Inarestar iti nagtipon a puwersa ti Tagudin ken Luna PNP, iti maibilbilang a top 3 most wanted person idiay Luna, La Union.
Naisayangkat ti operasyon idiay Barangay Dardarat, Tagudin, Ilocos Sur.
Iti akusado ket nabigbig iti nagan a Bricks Lopez, 42, awanan ti asawa, maysa a construction worker, ken residente ti Barangay Cabalitucan idiay ili ti Luna.
Naarestar ni Lopez babaen iti bileg ti warrant of arrest, napetsaan ti Dec. 12, 2016, nga impaulog ni sigud a Judge Manuel Aquino ti RTC Br 34 idiay Balaoan, La Union gaputi kaso a rape wenno panagrames.
Awan met iti nairekomenda a piyansa para iti sangsangwen a kaso ti akusado.
