BR LA UNION – Arestado ti Top 4 Most Wanted Person idiay Mariveles, Bataan iti insayangkat a law enforcement operation dagiti otoridad idiay Barangay San Eugenio, Aringay, La Union agarop alas 12:10 ti aldaw idi kalman, Nobyembre 4, 2025.
Ti akusado ket nabigbig nga agtawen ti 35, driver, ken residente ti San Eugenio, Aringay, La Union.
Inarestar ti nagtipon a puwersa ti Aringay Municipal Police Station, La Union Police Intelligence Unit, Mariveles Municipal Police Station, babaen ti tulong dagiti kameng ti Aringay Market, iti suspek babaen ti bileg ti dua a warrant of arrest gaputi kaso a Lasciviousness Conduct iti sidong ti Section 5(b) iti Republic Act No. 7610 wenno Special Protection of Children Against Abuse, Exploitation and Discrimination.
Inrekomenda ti korte ti aganay P200,000 a piyansa para iti temporaryo a pannakawaya-waya ti suspek.
Ti akusado ket naipasidong iti kustodiya ti Aringay Police Station para iti umno a dokumentasyon ken disposisyon.
