Naalarma ni Tingog Representative Jude Acidre iti ipakpakita nga “toxic behavior” ni Vice President Sara Duterte nga arig na indikasyon ti kaawan daitoy iti nasimbeng a panunot.
Kinuna ni Acidre nga imbes a sungbatan ni Duterte dagiti damag mainaig iti saan nga umno a pannakagastar iti P612.5 milyong confidential fund ti opisina na, nu ketdi ket nagdrama daitoy.
Segun kenni Acidre, saanen nga inikkan ni VP Sara ti dignidad iti opisina na.
Inaramid ni Acidre ti waragawag kalpasan iti arig na a panagkampo na iti Batasan Complex kalpasan a maikulong idiay ti Chief of staff na a ni Zuleika Lopez.
