LA UNION – Arestado iti maysa a tricycle driver idiay Bacnotan, La Union kabayatan iti insayangkat nga entrapment operation dagiti otoridad gaputi maipagarop a panaglako na ti armas, a nabaloran iti P38,000.00
Iti suspek ket nabigbig iti nagan a Bienvenido Ulpindo Jr. alyas Dolphy, 39, residente ti Barangay Sapilang ti nasao nga ili.
Naisayangkat iti entrapment operation ti Bacnotan PNP idiay Barangay Cabaroan, Bacnotan, La Union.
Nagresulta daytoy iti pannaka-aresto ti suspek ken pannaka-kumpiskar kenkuana iti maysa a 9mm machine pistol, maysa a magazine a nagkarga iti lima a bala ti paltog, maysa a silencer ken iti inusar na a traysikel, nga addaan ti plate number QO 9596.
Iti suspek ket adda ita iti custodiya dagiti otoridad ken sumangsango iti kaso a panaglabsing ti R.A. 10591 wenno Comprehensive Firearms and Ammunition Regulation Act.
