LA UNION – Arestado iti maysa a tricycle driver ken surrendered drug personality kalpasan a nakumpiskaran ti iligal a droga iti insayangkat a buy bust operation iti nagtipon a puwersa ti San Juan PNP ken PDEA, idiay Barangay Talogtog, San Juan, La Union.
Iti suspek ket managan Raymund Corpuz, 36, addaan ti asawa, residente ti Bambanay, ti nasao met laeng nga ili.
Kinumpiskar dagiti otoridad manipud iti posisyon ti suspek iti maysa a plastic sachet a mapapati a naglaun ti marijuana fruiting tops ken maysa a pidaso ti P100 bill a nagserbi a buy bust money.
Iti suspek a sumangsango ita ti kaso a panaglabsing iti R.A. 9165 ken agtaltalinaed iti kustodiya ti pulisiya para iti umno a disposisyon.
