LA UNION – Saan nga mairusok ti maysa a tricycle driver a dagikuaen ti kuarta nga nakaikabil iti napidot na nga sling bag idiay ili ti Luna, La Union.
Nabigbig ti good samaritan a ni Zacarias Gravoso Jr, 29, residente ti Brgy. Pila iti nadakamat nga ili.
Segun iti Luna Police, agsaruno nga daldalyasaten da Gravoso a nagmaneho ti tricycle ken Mark Joseph Robianes, 32, salesman ng Consumer Care, residente ti Brgy. Almeida,idiay ili ti Balaoan nga nagmaneho met ti kotse na iti kalsada nga paset ti Barangay Magallanes.
Maipagarop nga nag-overtake ti naud-udi no sadino saan na nga nadlaw a natinnag ti sling bag manipud iti tuktok ti lugan na nga apag-isu a napidot ni Gravoso.
Numan pinaggep nga kamaten ni Gravoso ti lugan ni Robianes ngem napaay daytoy isu a dagus na nga insurender kadagiti otoridad ti bag nga naglaon iti nadumduma a bank passbook ken cash a P203,640.00.
Inikkan met ti gun-guna ni Robianes ni Gravoso gapu iti kinaimbag daytoy.
