Impasigurado ni Police Regional Office 10 Director Brigadier General Jaysen De Guzman a maited ti maximum deployment ti tropada para iti nasurok a dekada a pista ti Itim na Nazareno idiay Cagayan de Oro City.
Kasaruno daytoy ti kinasagana ti Cagayan de Oro City Police Office a mangidaulo iti panangipaay ti seguridad para iti pista ti Poon, partikular itay parbangon a prosesion ti Enero 9 iti sumagmamano a kangrunaan a kalsada ti siudad.
Inwaragawag ni PRO 10 spokesperson Major Joann Navarro a malaksid kadagiti kaugalian a maipalubos ken maiparit a banag, adda met dagiti sniper a maideploy kadagiti nangato a pasdek ken sniffing dogs tapno masigurado ti sapasap a seguridad ti aktibidad.
Kinunana a maipatungpal met ti signal jamming bayat ti kangitingitan ti libot.
Nupay awan ti naipadamag a pangta iti seguridad, saan nga nagpakampante dagiti autoridad mainaig ti tinawen a narelihiosuan nga aktibidad.
Maipalagip nga immuna a simmangpet iti siudad ti replika ti Black Nazarene manipud Quiapo Church idi 2009 ket agingga ita, rinibu a deboto manipud kadagiti kabangibang a lugar ti Mindanao ken Visayas ti agtultuloy nga agdudupudop.
