LA UNION – Peligro a makapadas ti panagregga-ay ti daga (landslide) ken panaglayos iti aganay 5,688 a barangay kadagiti rehiyon a namnamaen a maapektaran ti bagyo Kristine, segun iti Office of Civil Defense (OCD), kas maibasar iti datos manipud Mines and Geosciences Bureau.
Daytoy ket iti tengnga ti namnamaen a panag-landfall ti bagyo Kristine iti dumaya a kabaybayan ti Cagayan inton Huwebes ken mabalin a bumallasisw nga agturong iti Amianan a Luzon.
Iti maysa a waragawag, imbaga ti OCD a nabilin dagiti regional office a rugyanen ti agsagana para iti posible nga epekto ti bagyo, agsipudta iti rain band ti potensyal a tropical cyclone ket mabalin a mangigubway ti kalalainganna agingga iti napigsa a panagtudo idiay Bicol region, idiay probinsiya ti Samar, ken dadduma pay a lugar a mangrugi ita nga aldaw ti Martes.
Kabayatanna, iti patta-patta ti Department of Social Welfare and Development, nasurok maysa a milyon nga indibidwal iti mabalin a maapektaran ti nasao a bagyo.
Mainaig ti daytoy, inallokoy ni OCD Administrator Undersecretary Ariel Nepomuceno dagiti lugar a vulnerable iti layos ken landslide a denggen iti panawagan ken aramiden ti amin nga addang a kasapolan para iti panagsagana iti epekto ti bagyo.
